At Sinthan Top, we were surrounded by layers of mist, icy winds, and endless mountain peaks, witnessed the snow-covered slopes, and laughed like kids during snow fights.
Sinthan Top, Kashmir – Ek Chhupa Hua Jannat Asmaan ke Paas
Subah-subah Srinagar se chala tha, dil mein sirf ek chhoti si tamanna thi – sukoon. Pahadon ke raaste se guzarte hue jab Sinthan Top pohcha, toh laga jaise waqt thahar gaya ho. Yahaan na bheed thi, na shor – sirf kudrat ka pyar bhara aangan.12,000 feet ki unchai par sthit, Sinthan Top ek aisi jagah hai jahan clouds aapke charnon ke neeche hote hain aur har saans mein shanti mehsoos hoti hai.
Jab log Kashmir ki baat karte hain, toh sirf Gulmarg, Pahalgam ya Sonmarg yaad aata hai. Lekin unhi pahaadon ke beech ek jagah chhupi hai, jiska naam hai Sinthan Top – ek aisi jagah jahan na bheed hai, na shor… sirf sukoon, adventure, aur kudrat ka asli roop.Yeh jagah un logon ke liye hai jo Kashmir ko andar se mehsoos karna chahte hain, jahan badal aapke neeche hote hain, ghode par sawari hoti hai, cable car aapko hawaon mein le jaati hai, aur snow slide aapka bachan wapas lata hai.
Raasta bhi utna hi khubsurat hai jitna manzil
kuch safar sirf manzil ke liye nhi, yadon ke liye hote hai.
Adventure in the Clouds: Roads to sinthon top and Beyond
Hamari yatra ka sabse romanchak hissa tha — pahadon ke beech se guzarne wali sadkon ka tajurba. Jaise-jaise hum paharo mein gehraai tak jaate gaye, khaaskar Warwan Valley aur Sinthan Top ki taraf, waise-waise raste aur bhi khoobsurat aur thrilling hote gaye. Ye aam sadke nahi thi — ye bahut unchai par, patli aur gahri ghaatiyon ke kinare-kinare bani hui thi. Neeche jhaankna darawana tha, lekin isi romanch ne safar ko yaadgar bana diya.
Kayi jagah aisa mehsoos hua jaise hum badalon ke upar drive kar rahe ho. Badal itne neeche aa gaye the ki lag raha tha jaise wo hamare sir ko chhoo rahe ho. Pahaadon ki chotiyaan bahut oonchi thi, kuch to badalon ke peeche chhupi hui si lag rahi thi. Chaaro taraf ki taazi hawa, hawa ki goonj aur prakriti ka anchaheera saundarya har pal ko ek jaadu jaise bana raha tha.
Horse Riding Ka Pehla Anubhav
Jab pehli baar ghode par baitha, toh dil zor-zor se dhadak raha tha. Ghoda hilta toh aisa lagta jaise abhi gir jaunga! Haath tight pakad ke rakhe, na aage dekha jaa raha tha na peeche. Har kadam par halka jhatka, aur har jhatke ke saath dar badhta jaa raha tha.Lekin dheere-dheere, jab ghoda chalne laga aur hawa chehre se takrai, toh ek ajeeb sa confidence aane laga. Pahaadon ki raahon par, sabz ghaas ke beech se guzarte hue — aisa laga jaise kisi filmy scene mein hoon. Hawa mein ek alag si khushboo thi, aur ghode ke saath ek rishta ban gaya tha.
Sinthan Top Cable Car Ka Anubhav
Jab cable car dheere-dheere Sinthan Top ke upar uthti hai, lagta hai jaise aasman ki taraf ud rahe ho. Neeche ghatiyan chhoti hoti jaati hain, aur door-door tak sirf pahaad, barf aur sabz jungle nazar aate hain.
Hawa thandi aur taazi hoti hai, jo chehre ko chhoo kar ek nayi taazgi de jaati hai.Cable car ke sheeshe ke paar nazar daalo toh har taraf khubsurti hi khubsurti — sabz vaadiyaan, barf se dhake pahaad, neeche behati nadis, aur aasman tak pahunchtay jungle. Dil ek alag hi sukoon mehsoos karta hai. Yeh safar sirf ek ride nahi, balki ek yaad ban jaata hai — jo hamesha ke liye dil mein reh jaata hai.
Snow Slide ka Maza – Jaise Bacchpan Wapas Aa Gaya Ho
🏨 Hotels & Stay Near Sinthan Top
⚠️ Important: Sinthan Top par direct hotels ya resorts nahi hain, kyunki yeh area totally natural aur undeveloped hai (aur isi wajah se beautiful bhi hai!). Isliye log nearby towns mein stay karte hain:
Kokernag (35 km pehle)
Budget hotels, guest houses available
Rate: ₹1000 – ₹3000 per night
Popular options: Alpine Guest House, Tourist Bungalow
🔹 Daksum (25 km pehle)
Eco huts aur JKTDC tourist lodge
Quiet, surrounded by forest and river
Rate: ₹1200 – ₹3500 per night
🔹 Achabal / Anantnag
Thoda aur developed area, zyada hotel options
Suitable for families
Rate: ₹1500 – ₹4500 per night
Climate & Temperature
Autumn (October)
Thodi barf padne lagti hai
Roads clear hote hain but weather thanda
Temperature: 5°C – 15°C
🔸 Winter (Nov to March)
Heavy snowfall, roads mostly closed
Temperature can drop below -5°C
Snow lovers ke liye heaven, lekin risky for general travel
Tips for Travelling to Sinthan Top
- Subah Jaldi Nikalna: Sinthan Top ek din ka return trip hota hai – subah 7 baje tak nikal jaayein.
- Full tank fuel rakhein – Sinthan Top par petrol pump nahi hai.
- Offline Google Maps download kar lein – network nahi milega.
- Snacks aur paani carry karein – koi dhaba nahi hai upar.
- Power bank & camera zaroor le jaayein – views miss nahi karna chahiye!
- Sunglasses & sunscreen – barf mein reflection hota hai, aankhon aur skin ko bachayein.
- Jacket, Gloves, Woolen Cap – thand kabhi bhi badh sakti hai, specially snow ke time.
culture and tradition
kashmiri music
